https://revistas.navarra.es/index.php/FLV <p><em>Fontes Linguae Vasconum: studia et documenta</em> euskal hizkuntzalaritza eta filologiako aldizkari zientifikoa da, sei hilean behin argitaratzen duena Nafarroako Gobernuak 1969. urtetik aitzina.</p> Gobierno de Navarra. Departamento de Cultura y Deporte Dirección General de Cultura-Institución Príncipe de Viana es-ES Fontes Linguae Vasconum 0046-435X https://revistas.navarra.es/index.php/FLV/article/view/4063 <p>Aroaz mintzatzea, eguneroko jarduera, ez da hutsala: kultur ekintza aparta da, hiztunak bere baitan dauzkan hizkuntza- eta kultura-tresna guztiak abian jartzen baititu, zenbaitetan oharkabean, baina beste zenbaitetan ohartuki. Hori azaltzeko, lehendabizi, kulturaren kontzeptuaren nondik norakoaz jabetzeaz gain, hizkuntzaren eta kulturaren uztardura zertan den adierazten da, etnolinguistikaren ildoa egokiena dela ikertzeko agertuz. Jarraian, azaltzen da eguraldia hizpide izanda hiztunen adimen-begiak nolako nozioak sortu dituen. Sailkapen etnolinguistikoan ematen da jasotako termino guztien berri, alderdi kulturala eta kognitiboa kontuan harturik. Azkenik, zenbait ondorio plazaratzen dira.</p> Kepa Diéguez Barahona Egile-eskubideak 2025 Kepa Diéguez Barahona https://creativecommons.org/licenses/by-nc/4.0 2025-12-30 2025-12-30 140 229 272 10.35462/flv140.1 https://revistas.navarra.es/index.php/FLV/article/view/4095 <p>Itzulpen automatikoaren (IA) aurrerapen azkarraren ondorioz, IAren bidez sortutako testuekiko dugun esposizioa handitu da. Teknologia horrek hizkuntzaren erabilera eraldatzeko potentziala duenez, azterketa honetan automatikoki euskaratutako eta jatorriz euskaraz sortutako albiste digitalen aniztasun lexikoa alderatzen ditugu. Finkatutako metrika automatikoak eta eskuzko azterketa xeheak bateratuz, aniztasun lexikoaren hainbat dimentsio zabalki aztertzen ditugu. Gure aurkikuntzen arabera, bi testu-motek antzekotasun nabarmenak dituzte aberastasun-lexikoaren aldetik. Izan ere, alderdi oso espezifiko gutxi batzuetan ikusten dugu jatorrizko testuen aberastasun-lexikoa apur bat handiagoa dela.</p> Amaia Solaun Martínez Nora Aranberri Monasterio Egile-eskubideak 2025 Amaia Solaun Martínez, Nora Aranberri Monasterio https://creativecommons.org/licenses/by-nc/4.0 2025-12-30 2025-12-30 140 273 315 10.35462/flv140.2 https://revistas.navarra.es/index.php/FLV/article/view/4107 <p>Artikulu honetan, Mariano Mendigatxaren gutuneriaren idazketa aztertuko da; zehazki, egile kallesak euskarazko igurzkari sabaiaurrekoarentzat sistematikoki dara­bilen &lt;ss&gt; idazketa. Guk grafema horren jatorrian sakonduko dugu, Mendigatxarekin harreman zuzena edo zeharkakoa izan zezaketen idazleen testuak arakatuaz. Horrela, erakutsiko dugu &lt;ss&gt; ez zela Mendigatxaren hautu grafiko isolatua izan eta Bonaparte­ren Hegoaldeko laguntzaile batzuek ere erabili zutela. Halaber, ikusiko dugu Bonaparte ezin izan zela grafema horren sortzailea izan, baina litekeena dela horren erabilera Nafarroako ekialdeko haranetan zabaltzeko ardura hartzea, eremu horretan estrategia bakarra bihurturik.</p> Leyre Rojo Horrillo Egile-eskubideak 2025 Leyre Rojo Horrillo https://creativecommons.org/licenses/by-nc/4.0 2025-12-30 2025-12-30 140 317 347 10.35462/flv140.3 https://revistas.navarra.es/index.php/FLV/article/view/4096 <p>Ikerketa hau Soziolinguistika Klusterrak eta Mondragon Unibertsitateak gauzatu dute. 2017an abiatutako <em>Berba-lapiko </em>egitasmoaren baitan sortu dira euskarazko ahozko gaitasun komunikatiboan eta motibazioan eragitea helburu duten <em>hizkuntza-errutinak</em>. Artikulu honetan hizkuntza-errutinen metodologiaren hatsarre eta ezaugarriak aurkeztuko dira, eta horrekin batera, hasierako fasean gauzatutako esperientzia pilotu baten emaitzak. Hain zuzen, bigarren gune soziolinguistikoko eskola batean metodologia hau gelaratu da eta ikasleen ahozko berbaldietan aurretestutik ondotestura hizkuntza-konplexutasunean eta jarioan alde nabarmenak egon direla erakutsi da.</p> Agurtzane Azpeitia Eizagirre Olatz Bengoetxea Manterola Idurre Alonso Amezua Egile-eskubideak 2025 Agurtzane Azpeitia Eizagirre, Olatz Bengoetxea Manterola, Idurre Alonso Amezua https://creativecommons.org/licenses/by-nc/4.0 2025-12-30 2025-12-30 140 349 382 10.35462/flv140.4 https://revistas.navarra.es/index.php/FLV/article/view/4123 <p>Ezagun da tresna elikatzeko erabiltzen dituzten adibideetatik ikasten dutela itzultzaile automatikoek eta testuetan dauden alborapen eta estereotipoak barneratzen eta errepikatzen dituztela. Arazo hori are nabarmenagoa da genero gramatikalik ez duten hizkuntzetatik genero gramatikala markatzen duten hizkuntzetara itzultzean, hala nola euskaratik gaztelaniara. Lan honetan genero-alborapenaren gaia aztertuko da. Horretarako, normalean estereotipo femenino eta maskulinoekin lotutako adjektibo eta lanbideen hitz-zerrendak osatu ditugu. Zerrenda horietako hitzak dituzten adibide andana bildu dugu hiru testu-generotan banatuta. Helburua izan da emaitza horiek aztertzea eta balorazio bat egitea.</p> Klara Ceberio Berger Aitziber Elejalde Elizabete Manterola Agirrezabala Eneko Sagarzazu Martinez Zuriñe Sanz-Villar Naroa Zubillaga Gomez Egile-eskubideak 2025 Klara Ceberio Berger, Aitziber Elejalde, Elizabete Manterola Agirrezabala, Eneko Sagarzazu Martinez, Zuriñe Sanz-Villar, Naroa Zubillaga Gomez https://creativecommons.org/licenses/by-nc/4.0 2025-12-30 2025-12-30 140 383 404 10.35462/flv140.5 https://revistas.navarra.es/index.php/FLV/article/view/4129 <p>Kontzientzia metalinguistikoa funtsezkoa da ikasle eleaniztunak arrakasta akademikorako, irakurmena, idazmena eta bigarren hizkuntzen ikaskuntza errazten baititu. Ikerketa hau hizkuntza-aniztasun handiko Bigarren Hezkuntzako ikastetxe batean egin da. Diseinu kuasi-esperimental bat erabili da, hizkuntza Akademikoaren Oinarrizko Trebetasunak lantzeko berariazko lanketaren eta <em>translanguaging </em>pedagogikoaren eragina aztertzeko. Emaitza kuantitatiboek eta kualitatiboek adierazten dute esku-hartzeak ikasleen kontzientzia metalinguistikoa garatzen lagun dezakeela, eta horiek irakaskuntzan integratzeko beharra nabarmentzen da.</p> Oihana Leonet Olatz Lucas Ane Lamarka Egile-eskubideak 2025 Oihana Leonet, Olatz Lucas, Ane Lamarka https://creativecommons.org/licenses/by-nc/4.0 2025-12-30 2025-12-30 140 405 432 10.35462/flv140.6 https://revistas.navarra.es/index.php/FLV/article/view/4132 <p>Artikulu honek kritika feministak eta genero-ikasketetatik intimitatearen kontzeptuari eta hari lotutako literaturari egindako ekarpen teorikoetan oinarrituta, intimitatearen idazketarako hurbilpen bat proposatzen du, kronotopo intimoak analisi elementu gisa baliaturik. Hori horrela, kronotopo intimoa Miren Agur Meaberen <em>Kristalezko begi bat </em>(2013) liburua lantzeko abiapuntuetako bat izango da, horren bitartez intimitatearen idazketa nola eraikitzen den eta intimitateak publikotasunarekin zein harreman duen aztertzeko.</p> Elena Olave Duñabeitia Egile-eskubideak 2025 Elena Olave Duñabeitia https://creativecommons.org/licenses/by-nc/4.0 2025-12-30 2025-12-30 140 433 449 10.35462/flv140.7 https://revistas.navarra.es/index.php/FLV/article/view/4136 <p>Artikulu honetan, euskararen ahoskeran hizkera-mailaren arabera izan daitekeen aldakortasuna da aztergai: euskara ikasteko moduak (etxean / ez etxean) aldakortasun horretan izan dezakeen eragina aztertzea da helburu. Horretarako, euskara etxean eta etxetik kanpo (irakaskuntza formalaren bidez) ikasitako Ikaztegietako eta Baigorriko zenbait hiztunen hizkera-maila arduragabeko eta zainduko ahoskerak bildu eta aztertu dira, Fonologia Naturala oinarri hartuta. Ondoriozta daiteke, oro har, euskara etxean ikasitako hiztunen hizkeran aldakortasun handiagoa dagoela, euskara etxean ikasi ez dutenenean baino. Alde horien arrazoien artean, besteak beste, aldaera estandarraren eta idatziaren eragina leudeke.</p> Irati Urreta Elizegi Egile-eskubideak 2025 Irati Urreta Elizegi https://creativecommons.org/licenses/by-nc/4.0 2025-12-30 2025-12-30 140 451 478 10.35462/flv140.8 https://revistas.navarra.es/index.php/FLV/article/view/4147 <p>XX. mendearen lehen erdiko egunkari eta aldizkari abertzaleetan idatzi zuten emakumeetako bat da Karmele Errazti. Haren iturrien ezagutzan sakondu nahian, «Euzkeldun neskatillai» (<em>Euzko-Deya</em>, 1916-1918) eta «Emakume oleskarijak» (<em>Euzko-Gogoa</em>, 1950) artikuluak arakatu ditut, batik bat, lan honetan. Euskal emakume-ereduaren eraikuntzari dagokionez, ondorioztatu dut jeltzaletasunak zabaldutako irakurgaietatik ez ezik ondoko nazio-estatuetako burgesiak sortutako eta hedatutako testuetatik ere edan zuela Erraztik; euskal emakume olerkarien aldarrikapenerako, berriz, Euskal Herrian argitaratutako baina gizon jeltzaleek isilarazitako zenbait testu edo testu-zati baliatu zituen.</p> Enara San Juan Manso Egile-eskubideak 2025 Enara San Juan Manso https://creativecommons.org/licenses/by-nc/4.0 2025-12-30 2025-12-30 140 479 504 10.35462/flv140.9 https://revistas.navarra.es/index.php/FLV/article/view/4198 <p>Ikerketa honetan D ereduko ikastetxe batean idazketaren hastapenetan hizkuntza idatzia nola irakatsi den ezagutu nahi izan dugu. Horretarako, Haur Hezkuntzako lau eta bost urteko haurren gela banatan zein Lehen Hezkuntzako lehen mailako (sei urte) beste batean hemeretzi eskola-saio grabatu dira; eta saio bakoitzean idatzizkoa irakasteko abian jarri diren dispositibo didaktikoak zeintzuk eta nolakoak diren aztertu dugu. Izaera kualitatiboko ikerketa honen emaitza gisa, idatzizkoa irakasteko dispositibo didaktikoen inbentarioa sortu da. Guztira berrogeita bat dispositibo didaktiko identifikatu eta ezaugarritu dira zortzi irizpidetan.</p> Diego Egizabal Ollokiegi Agurtzane Azpeitia Eizagirre Arantza Ozaeta Elorza Egile-eskubideak 2025 Diego Egizabal Ollokiegi, Agurtzane Azpeitia Eizagirre, Arantza Ozaeta Elorza https://creativecommons.org/licenses/by-nc/4.0 2025-12-30 2025-12-30 140 505 540 10.35462/flv140.10 https://revistas.navarra.es/index.php/FLV/article/view/4281 Ekaitz Santazilia Egile-eskubideak 2025 Ekaitz Santazilia https://creativecommons.org/licenses/by-nc/4.0 2025-12-30 2025-12-30 140 543 550 10.35462/flv140.11