Artzibarko aldaera deitu izanaren inguruan (2 – inkestaren azken galdera-sortak)
Laburpena
Oraingo honetan 1984-1992 urteen arteko denboran Arrietako (Artzibar) gizon bati eta Ilurdozko (Esteribar) beste bati egin genizkien bost inkestetarik azkeneko bien emaitzak dakartzagu lerro hauetara, José Estornés Lasa zenak 1982. urtean aldizkari honetan erronkariera ikertzeko egin zituenak oinarri harturik, Louis-Lucien Bonapartek eginiko sailkapena gogoan beti ere. Bi lagun hauen mintzamoldeak, ilurdoztarrarena agian bereziki, aski iharturik zeuden, erantzunetan agertu zalantzek, etenaldiek eta gabeziek argiro eraku - tsi dutenez, guztiak ere urte askotan euskaraz mintzatu gabe egon izatearen ondorio, ezbairik gabe. Ezin pareka litezke mintzamoldeok, jakina, lagunon gurasoek, XIX eta XX. mendeen arteko erpinean egingo zutenekin baina, hala ere, ibar hauetako garai bateko euskaldun bakanen egoera ikusirik, lekukotasun benetan interesgarriak direla iruditzen zaigu
Estatistikak
Egile-eskubideak 2007 Koldo Artola

Esta obra está bajo licencia internacional Creative Commons Reconocimiento-NoComercial 4.0.