Fiesta de San Felices en Viana [San Felizes festa Vianan]

Laburpena

Festa bitxi-bitxi hau urtero ospatzen da Vianan, otsailaren 1ean, San Felizesen omenez. 1219. urtean, aipatu egunean jarri zen hiri ospetsuaren lehen harria Gaztelako mugan, Nafarroako erresuma babestearren, Nafarroako Antso Azkarraren nahiari jarraikiz. San Felizes atean egin zen ospakizuna, harresien mendebaldean den horretan. Nabarmentzeko lekua da hori, epaiketak bertan egiten baitziren, Foruaren arabera. San Felizes egunean, danborra joz biltzen zituzten ate zaharrean haur eta behartsuak, gertakariaz oroit zitezen, eta errejidoreek txanpon batzuk ematen zizkieten mezatik ateratakoan. Ohiturak oso zaharra behar du, xvi. mendean ospatzen baitzen ditugun agirien arabera, eta guganaino iritsi baita, nahiz eta etenak izan.