Aragoiko eta Nafarroako Ana, Medinaceliko kondesa eta Vianako Carlos printzearen alaba ezkontzaz kanpokoa. Mendoza kardinalaren leinuarekin zituen loturak

Laburpena

Aragoiko eta Nafarroako Ana, Vianako Carlos printzearen alaba ezkontzaz kanpokoa, pertsona garrantzitsua izan zen Nafarroan XV. mendearen amaiaren ondorengotzaren inguruan izan ziren gatazketan. Nahasmendu politiko handiagoak ekidin nahirik, haren aitona Aragoiko Juan II.a eta, gero, haren osaba Fernando Katolikoa hura noble batekin uztartzeko lanean aritu ziren. Azkenean lortu zuten Medinaceliko etxearekin lotzea –Gaztelako errege etxetik zetorren etxe horrekin–. Nolanahi ere, bai Aragoiko Anak bai bere ondorengoek Nafarroako tronura igotzeko zituzten uzi eta eskubideak defenditu zituzten, Mendoza leinukoen babesarekin. Haien euskarria zen aldeko emaitza izan zutela jaiotzaren legitimitatea frogatzeko prozesuan.