Nafarroako herrietako bizimoduak eta hizkerak XX. mende bukaeran kontaturik

Laburpena

Etnotestuok dialektoen eta bizimoduen adierazgarri dira. Lan honetan XX. mendearen bukaerako etnotestuak bildu dira Nafarroako hizkeren eta ohituren aldakortasun horren berri emateko helburuz. Testuen analisiak ezaugarri linguistikoak agerian uzten ditu eta aldi berean, eguneroko bizitzaren testigantzak dira. Testu bakoitzak, azterketa fonologiko, morfologiko, sintaktiko, lexiko eta etnografikoa du ondoan. Hori guztia ikuspegi alderatzailearekin egina, lekuan lekuko ezaugarri dialektal eta etnografikoak agerian jartzeko asmoz.