Saroi entitate geografikoaren banaketa, esanahia eta etorkia toponimiaren argitan

Laburpena

Hona dakargun saioaren helburua saroi entitate geografikoaren banaketaz, esanahiaz nahiz etorkiaz baliagarri gerta daitezkeen argibideak ematea da, euskal toponimian kausitzen diren elementuen izaera finkatzen laguntzea alegia, bide batez, euskararen arlo fonikoaren, morfologiaren edota lexikoaren historia ikertzeko erabilgarriak izan daitezkeen datuak bilduz eta sailkatuz. Saroiak itxuratzen dituzten ezaugarriak, edota haien bilakaera, onomastikaren eskutik zenbateraino ezagut daitezkeen ere ikusi nahi dugu, saroien jatorriak argitzeke baitirau.