Antroponimia vasca en la documentación de Santo Domingo de la Calzada (La Rioja) de los siglos XII y XIII

Laburpena

Errioxako eta, batez ere, Santo Domingo de la Calzadako erdi aroko dokumentazioak euskal izaera argi eta garbia erakusten duten aipamen toponimo eta antroponomiko batzuk biltzen ditu. Ikerketak jatorri horretako antroponimoak aztertu ditu Santo Domingo de la Calzadako eskualdeari buruzko XII. eta XIII. mendeetako diplometan. Laurogeita bi pertsonak duten euskal izen, abizen eta ezizenen zein euskal fonetikaren eragina erakusten dutenen eraketa etimologikoa zein hedapena aztertzen dira. Lanak, halaber, erdi aroan, mendebaldeko Errioxan, zeuden jatorri horretako populatzaileei buruzko datu berriak agertzen ditu. Era berean, zein herritan aurkitu diren aipamen gehienak biltzen ditu, eta, datu horien arabera, mendebaldeko Euskal Herritik bi etapatan –IX. eta XI. mendeen bitartean– joandako birpopulatzaileak dira ondorioztatu daiteke.