“Erizkizundi irukoitza” Sakana erdialdean

Laburpena

Artikulu honetan, mende honen hasieran Azkuek egokitutako Erizkizundi Irukoitza galdetegiaren emaitzak aztertu dira goitik behera, eta Sakana erdialdeko herrietakoak izan dira kontuan bereziki (Etxarri-Aranatz, Arbizu eta Uhartekoak gehien bat, ezen iritsi zaizkigun Arruazu eta Lakuntzakoak oso urriak baitira), egun herri hauetan erabiltzen den hizkerarekin bat datozen ala ez egiaztatuz, modu honetan aipatu galdetegiaren beraren eta haren emaitzen balio dialektologikoa zehazten ahalegindu naizelarik, Mitxelenak (1991,183) zioena, galdetutako burutzapenen balio urria zenbait kasutan eta argitaratutako datuen era desegokia, egiaztatzen delarik. Sakana erdialdetik ekialdera dagoen Irañetako emaitzak ere aztertu ditut, ondorio bitxia atera ahal izan dudalarik, erantzun guztietan ez bada ere, askotan behintzat, badirudi era egokiagoan atxekitzen direla ez soilik bertako hizkerara, baizik eta beste hiru herrietakora ere bai.