Pax Avant: la paz y la palabra en las relaciones transfronterizas pirenaicas [Pax Avant: bakea eta hitza Pirinioetako mugaz gaindiko harremanetan]

Laburpena

Pirinioek mendeetan zehar espazio bateratu modura funtzionatu zuten, bi isurietako biztanleen artean harreman usuak izan zirelarik. Espazio hori bi estaturen arteko muga zen arren, ez zuen bereizte funtziorik betetzen Pirinioetako biztanleentzat. Elkarren arteko harremanak indartzeko sistema konplexu bat eratu zuten, eta horri esker, Pirinioetako muga topagune bezala identifikatzen dugu eta ez bereizgune modura. Gizarte tradizional horiek modu bateratuan antolatu zuten mugako natur baliabideen kudeaketa. Kudeaketa horrek gatazkak sortzen zituenean, gai izan ziren benetako itunak adosteko, partzuergo deitzen direnak, arazoei irtenbidea eman eta espazioaren kudeaketa partekatua bermatzeko.