Fray Fernando de Talavera, monje jerónimo (c. 1428-1507) [Frai Fernando Talaverakoa, monje jeronimotarra (1428-1507)]

Laburpena

Tarsicio de Azconak artikulu honetan F. Fernando de Talavera monje jeronimotarraren profil biografikoak ematen ditu. Monje jeronimotarra eta, Valladoliden, Pradoko monasterioko priorea izan aurretik, F. Fernandok Salamancan ikasi zuen (1444-1451) eta apaiz ordenatu zuten. Pradon zegoela, Elisabet erreginak aitor-entzule eta kontseilari izendatu zuen, eta, horregatik, erresumako gorabehera korapilatsuenetan esku hartu zuen. 1485ean Ávilako apezpiku izendatu zuten, eta 1493an, Granadako artzapezpiku. Granadan proiektu bat otu zitzaion, musulmanak, judutarrak eta arnegatuak ebanjelizazioaren bidez kristautzeko, bortxakeriarik erabili gabe. Bere bizialdiko azken urteetan, Inkisizioaren jazarpena izan zuen, Inkisizioak bere familia judaizantetzat jo zuelako, baina prozesua artxibatu egin zuten. F. Fernandok, bestalde, eskuliburu spiritualak

eta apologetikoak idatzi zituen.