Zenbait datu demografiko Sakanan XV. mendearen hasieran

Laburpena

Sakanako datu demografikoak dira gehienbat artikulu honetan jorratzen direnak, Ertaroaren amaierakoak, 1427koak, hain zuzen ere. Artikulua bi atal nagusitan bereizita agertzen da: lehenak, sarrera gisa, artikuluaren nondik norakoak eta garaiko datu orokorrak eskaintzen ditu; eta bigarrenak XV. mendeko lehen laurdeneko Sakanako hiru eremuetako (Arakil, Sakana Erdialdea eta Burunda) biztanlegoaren gorabeherak jasotzen ditu. Hogeita hamasei taula eraiki dira artikulu guztian eta, horiekin batera, bakoitzari dagokion iruzkina erantsi ere bai. Datu demografiko hutsekin batera, beste zenbait datu ere aipatzen dira, hala nola, geografikoak, ekonomikoak, historikoak eta onomastikakoak.