Una música para el pueblo: los precedentes de la banda de música municipal La Pamplonesa (1833-1919) [Herriarendako musika: La Pamplonesa udalaren musika bandaren aurrekariak (1833-1919)]

Laburpena

80 urteko historia dago Iruñean udal musika banda sortzeko lehen saiakeratik haietako azkena behin betiko ezarri arte: La Pamplonesa, 1919an inauguratu zena. Sortu zenetik 100 urte betetzear daudela, oraindik ere ez da egin azterketa sakonik musika banda honen eta aurretik izan zirenen gainean. Lan hau sortu da mendeurren hori ospatzeko eta asmoa du udalaren mendeko musika bandekin loturiko musika esperientziak aztertzea Isabel II.aren erregetzan sortu zirenetik abiatuta. Halaber, aztertzen dira bestelako jarduera artistikoak, lehiaketak eta sariketak, hain zuzen ere, La Pamplonesa musika bandaren sorrera ekarri zutenak.