Felipe de Aragón y de Navarra, hijo natural de Carlos de Viana y maestre de Montesa [Filipe Aragoi eta Nafarroako, Karlos Vianakoaren seme naturala eta Montesako maisua]

Laburpena

Nola iritsi ahal izan zen Karlos Vianakoa nafar printzearen seme natural bat Montesako ordenako maisu izatera? Filipe Aragoikoaren bizitzari jarraikiz, gorabehera guztiak aztertuko ditugu, Iruñean jaiotzea, Bartzelonako egonaldiak, Juan II.a aitatxik bere gainean izandako kontrola, nola modu ezohikoan izendatu zuten Montesako ordena militarreko maisu, osaba zuen Errege Katolikoaren esku-hartze zuzena tarteko. Azkenik, Granadako gudan hartu zuen parte eta bertan zendu zen. Hori guztia, erreinu hispanikoetako leinuen historia baten baitan eta kontuan hartuz izan zezakeen eragina Nafarroa eta Aragoiko tronuak eskuratzeko zuen nahikarian.