Los faceros como institución de frontera: el facero 65 [Fazeroak, mugako instituzio: 65. fazeroa]

Laburpena

Antzina-antzinatik, gatazkak sortu dira lurralde mugak ezarri nahi izatearen ondorioz. Arazo hori handiagoa da ezein udalerriri lotu gabeko lurralde batzuetan, udalerrien arteko jabetza eta aprobetxamendu komuneko lurralde moduan iraun baitute. Jabetza komunaren adierazpide zahar horiei «fazero» edo «fazeria» izena eman ohi zaie Nafarroan. Mugak ezartzeko arazoa gaur egun arte iritsi da, eta horren adierazgarri da zenbait fazerori buruz, zehazki Nafarroako eta Arabako zenbait toki erakunderi dagokien 65. fazeroari buruz, egindako kontsultak. Ez dago argi Nafarroan ala Araban dagoen kokatuta. Azterketa honen bidez, egoera hori argitzen lagundu nahi da.